GAO Aalajangiivoq Thule Air Base-mi Isumaqatigiissutsip tunniunneqarnera pillugu, Exelis Services A/S tigusinissaminut ingerlatsinerit aallartilerpai.

København, Qallunaat Nunaat, februaari. 18, 2015 – Amerikami Naalakkersuisut Akisussaassuseqarnermut Allaffiata (GAO) ullumikkutaalajangersarpaat Pituffik pillugu (Thule Air Base) isumaqatigiissut Qallunaat suliffeqarfiutaanut Exelis Services A/S-imut tunniunneqarsimasoq. Suliffeqarfiup maannakkut ikaarsaarnermut suliassat sakkutooqarfimmi aallartinniarpai.

“Qilanaaraarput sulisunik atassuteqaqatigiinnissaq aamma isumaqatigiissutip nutaap aallartikkiartuaarnissaa aallartissallugu,” Kim Ruberg taama oqarpoq, Exelis Services A/S-imut illersortaasoq. “Suliffeqarfittut pingaartitalittut, kissatigaarput inuit Qallunaat Nunaanni aamma Kalaallit Nunaanni ilisimassagaat Exelis Services A/S ileqqorissaarluni aamma innarlerniagassaanani ingerlaniartoq inatsisit, isumaqatigiissutit aamma piumasaqaatit atortuusut naapertorlugit, ilutigalugu inuiaqatigiinni sulisitsisuulluni akisussaasoq.”

Exelis Services A/S-ip paasivai aamma sianigilluarpai Kalaallit Nunaanni Naalakkersuisut kissaataat, Kalaallinik sulisoqarnissamut inatsisut. Suliffeqarfiup annerusumik suliaqartinniarpai maannakkut Pituffimmi sulisooreersut sulisoqarnermut inatsisit, malittarisassat aamma isumaqatigiissutit attuumassuteqartut tamaasa naapertorlugit aamma pisussaatitaanertik ataqqivaat sulisooreersut maannakkut atorfimminni atugaat allanngortinnagit Kalaallit Suliffeqarfimmik Tigusinissamut malittarisassaat naapertorlugit tigunissaat.

Exelis Services A/S-ip siunertaraa Kalaallinik Ilinniartoqarnermut Pilersaarummut peqataanissani aamma sulisussarsiorniarpoq sulisullu pikkorissut, piukkunnartut tigummiinnarniarpai aammalu suliffissanik nittarsaassinernik ingerlatsisarniarput kiisalu inuit naapillugit apeqqarissaarfigisarniarpai siunissami qanittumi.

Akerliusoqannginnerani aamma akerliusoqarnerani piffissaq tamakkerlugu, Exelis Services A/S arlaleriarlutik aalajangersartarsimavaat pisussaallutik Kalaallinut inuiaqatigiinnut aamma Qallunaat Nunaata Kunngeqarfianut iluaqutissat naleqquttut tamarmik isumannaarneqarnissaanik – ilagalugit akileraarutit attuumassuteqartut tamakkerlutik akilerneqartarnissaat – suliffeqarfimmit niuertorpalaartumik ingerlatsinermi salliutsillugit.

Aningaasartuutit imaluunniit akinut naleqqiussinerit isumaqatigiissutinik pigisaqarsimasut aamma qanittumi isumaqatigiissumik tunineqartut akornanni, ilagalugit isumaqatigiissutip tamakkerluni nalinga, naleqqiukkuminaappoq – ajornavinngippat – naleqqiutissallugu, annertunerusumik pissutigalugu siusinnerusukkut isumaqatigiissuteqartoq ukiut qulit isumaqatigiissuteqarsimammat taavalu qanittumi isumaqatigiissummik pisoq ukiut arfineq marluk isumaqatigiissuuteqarsimalluni. Aammattaaq, isumaqatigiissutit taakku marluk assigiinngitsunik piumasaqaateqarfiusinnaapput, aamma sulisut amerlassusaat Pituffimmi (Thule Air Base) ullumikkut allaanerusinnaapput ukiut qulit matuma siornatigut naleqqiullugu. Pingaaruteqarpoq eqqaassallugu pissutsit taakku arlaannaaluunniit Exelis Services A/S-imit aqunneqanngimmata imaluunniit sunniiffigineqarlutik.

Exelis Services A/S Qallunaat Nunaanni suliffeqarfiuvoq, aktianik piginneqatigiinnut Qallunaat inatsisaat, malittarisassaat aamma piumasaqaataat malillugit nalunaarsorneqarsimasoq. Oktobarip 31-ani 2014, Exelis Services A/S, København, Qallunaat Nunaat, nalunaarfigineqarpoq qinerneqarsimallutik sakkutooqarfimmik ingerlatsinermik aamma aserfallatsaaliuinermik kiffartuussisussatut Pituffimmi (Thule Air Base), Kalaallit Nunaanni. Qinersisuusimavoq U.S. Air Force Kalaallit, Qallunaat aamma Amerikamiut piumasaqaataat, malittarisassaat aamma isumaqatigiissutaat naapertorlugit. Isumaqatigiissut tunniunneqarpoq unammillersinnaasumik pissarsiornerup kinguneranik, suliarinnikkusuttut piukkunnartut sisamat akornannit. Isumaqatigiissutip tunniunneqarnereerneranili, GAO-p neqerooruteqartunit qinerneqarsimanngitsunit akerliunerit isumaliutigisimavai aamma ullumi aallaqqaammut isumaqatigiissut Air Force-mit tunniunneqartoq aalajangersarpaat.